Um Summu

Starfsemi Summu byggir á virðisaukandi, hugkvæmum, öguðum og traustum lausnum fyrir viðskiptavini. Sértæk þekking á rekstri innviðasjóða og einstök reynsla starfsfólksins er hornsteinn þessarar nálgunar.

Summa er að fullu í eigu starfsmanna sem hafa áratuga reynslu af eignastýringu og öðrum störfum á fjármálamarkaði og er því óháð öðrum aðilum á markaði.

Starfsfólk Summu

Sigurgeir Tryggvason

Framkvæmdastjóri

Sigurgeir býr yfir rúmlega 25 ára reynslu í orkutengdum verkefnum, fasteignaverkefnum, sérhæfðum fjárfestingum og fjármögnun fyrirtækja. Hann var forstöðumaður fasteigna- og verkefnafjármögnunar hjá Kaupþingi og vann einnig við fyrirtækjaráðgjöf og lánagreiningu. Þá var hann yfirmaður verkefnafjármögnunar hjá Norðuráli um árabil.

Til viðbótar við rafmagnsverkfræði er Sigurgeir með 4 meistaragráður; í stjórnun fjölþjóðlegra fyrirtækja, MBA, raforkuverkfræði og í lögfræði.

Haraldur Óskar Haraldsson

Forstöðumaður sjóðastýringar

Haraldur Óskar hefur yfir 25 ára reynslu á fjármálamarkaði við eignastýringu, áhættustýringu, fjárstýringu og ráðgjöf. Hann hefur starfað hjá Summu Rekstrarfélagi frá 2013 og hefur jafnframt veitt fyrirtækjum og opinberum aðilum ráðgjöf á sviði fjármála og fjárfestinga frá 2009. Hann starfaði áður hjá Kaupþingi við áhættustýringu og fjárstýringu og sem lektor við verkfræðideild HR á árunum 2005-2013.

Haraldur Óskar er með doktorspróf í orkuverkfræði frá KTH í Stokkhólmi.

Hrafnkell Kárason

Forstöðumaður megindargreiningar

Hrafnkell hefur yfir 25 ára reynslu í áhættustýringu og líkangerð. Eftir nám hóf hann störf í rannsóknar- og þróunardeild áhættustýringar Kaupþings og leiddi þá deild frá 2005. Árið 2006 varð hann yfirmaður áhættustýringar samstæðu og jafnframt yfirmaður útlánaáhættu frá 2008. Frá 2009 og þar til hann réðst til Summu starfaði hann sjálfstætt, einkum við ráðgjöf tengda áhættustýringu, virðisreikningum, gagnavinnslu og líkangerð.

Hrafnkell er með doktorsgráðu í jarðeðlisfræði frá MIT, er vélaverkfræðingur frá HÍ og er einnig með MBA gráðu frá Háskólanum í Reykjavík.

Ómar Tryggvason

Forstöðumaður sértækra fjárfestinga

Ómar hefur 30 ára reynslu af fjárfestingum og sjóðastýringu. Hann hóf störf á peningamálasviði Seðlabanka Íslands árið 1995 en færði sig um set árið 1997 og var forstöðumaður eigin viðskipta og fjárstýringar hjá Íslandsbanka til 2001. Hann starfaði síðan í 8 ár í eignastýringu Kaupþings, fyrst sem sjóðstjóri Frjálsa lífeyrissjóðsins og annarra lífeyrisafurða, en 2003 varð hann forstöðumaður sérhæfðra fjárfestinga. Frá 2009 og þar til hann réðst til Summu sinnti hann ýmissi ráðgjöf og leiddi fjárfestingar fyrir hönd lífeyrissjóða.

Ómar er með próf í fjármálafræðum frá University of South Carolina.

Ægir Gunnarsson

Forstöðumaður eignastýringar

Ægir býr yfir tæplega 20 ára reynslu á fjármálamörkuðum á sviði miðlunar, fjárstýringar, eignastýringar og einkabankaþjónustu. Hann gegndi áður fjölbreyttum stjórnunar- og sérfræðistörfum hjá Landsbankanum, meðal annars sem starfandi forstöðumaður eignastýringar, deildarstjóri fagfjárfestaþjónustu, sjóðstjóri og hlutabréfamiðlari. Hjá Summu sinnir Ægir eignastýringu fyrir efnameiri einstaklinga og fjölskyldur, með áherslu á uppbyggingu eignasafna, mótun fjárfestingastefnu og fjárfestingaráðgjöf.

Ægir er með BSc-gráðu í viðskiptafræði frá Háskólanum í Reykjavík og hefur lokið prófi í verðbréfaviðskiptum.

Anna Friðrika Árnadóttir

Rekstrarstjóri

Anna Friðrika hefur rúmlega 20 ára reynslu af fjármálum og rekstri. Hún hóf störf hjá Kaupþingi árið 2003, fyrst í miðvinnslu markaðsviðskipta og síðan sem sérfræðingur í gjaldeyris- og afleiðumiðlun. Á árunum 2010–2018 starfaði hún hjá skilanefnd og slitastjórn Kaupþings, meðal annars á eignastýringar- og fjármálasviði. Á árunum 2019–2025 starfaði hún hjá Vinnustofu Kjarval, fyrst sem rekstrar- og fjármálastjóri, en tók við starfi framkvæmdastjóra árið 2021.

Anna Friðrika stundaði nám í mannfræði við Háskóla Íslands.

Stjórn Summu

Þórunn Helga Þórðardóttir

Þórunn Helga Þórðardóttir útskrifaðist með meistaragráðu frá lagadeild Háskólans í Reykjavík í janúar 2010 og hlaut réttindi til málflutnings fyrir héraðsdómi 2012. Þórunn útskrifaðist auk þess með LL.M.-gráðu frá lagadeild Columbia University vorið 2013 og MBA-gráðu frá Háskólanum í Reykjavík vorið 2025. Hún hefur jafnframt lokið prófi í verðbréfaviðskiptum. Þórunn er óháður stjórnarmaður og var kjörin í stjórn Summu árið 2016.

Bjarni Karl Guðlaugsson

Bjarni Karl Guðlaugsson útskrifaðist úr University of South Carolina með gráðu í fjármálum og endurskoðun 1996 og starfaði hjá KPMG í New York við endurskoðun og ráðgjöf. Hann hóf störf hjá Búnaðarbankanum árið 2000 og starfaði síðar hjá Kaupþingi og Stefni einkum við rekstur erlendra fjárfestingasjóða. Frá 2017 hefur Bjarni Karl sinnt ýmsum ráðgjafaverkefnum og einnig unnið sem leiðsögumaður. Bjarni Karl var kjörinn í stjórn Summu í maí 2020.

Júlíus Jón Jónsson

Júlíus Jón Jónsson lét af störfum eftir 40 ára starf hjá HS Veitum og forverum þess 2022. Júlíus er viðskiptafræðingur frá Háskóla Íslands og réðist sem fjármálastjóri til Hitaveitu Suðurnesja 1982 og var orðinn forstjóri þess félags 10 árum síðar. Hitaveitu Suðurnesja var skipt upp í tvö félög, HS Orku og HS Veitur, árið 2008 og gegndi Júlíus Jón forstjórastarfi beggja félaga til loka árs 2013. Hann var síðan forstjóri HS Veitna frá ársbyrjun 2014 þar til hann lét af störfum. Júlíus var kjörinn í stjórn Summu í maí 2022.