Sjóðir
Frá árinu 2015 hefur Summa rekið innviðasjóði sem hafa það að markmiði að fjárfesta í innviðum á Íslandi, bæði hagrænum og félagslegum. Sjóðirnir hafa heimildir til að fjárfesta í uppbyggingu nýrra innviða ásamt innviðum sem eru þegar til staðar. Sjóðirnir eru fyrir fagfjárfesta og eru nær eingöngu fjármagnaðir af íslenskum lífeyrissjóðum.
Samhliða fjárfestingum sjóðanna hefur Summa fengið meðfjárfesta, úr hópi fjárfesta í sjóðunum, með að verkefnum þar sem þörf er á og er fjárfestingagetan því umtalsverð. Heildarstærð verkefna í innviðum sem Summa hefur komið að er um 200 milljarðar króna.
Fyrsti innviðasjóður Summu, Innviðir fjárfestingar slhf., var stofnaður árið 2015. Sjóðurinn var um 7 milljarðar króna að stærð við stofnun og fjárfesti í hlutafé hagrænna innviða. Fjárfestingatímabili sjóðsins lauk um mitt ár 2021 en sjóðurinn getur áfram stutt við núverandi fjárfestingar.
Stærstu eignir sjóðsins eru í Verðbréfamiðstöð Íslands hf. og HS Veitum hf., sem sinnir hitaveitu og dreifingu á köldu vatni og rafmagni.
Innviðir fjárfestingar II slhf., var stofnaður í febrúar 2022. Sjóðurinn er um 11 milljarðar króna að stærð og hefur heimildir til að fjárfesta í hlutafé eða ígildi þess, bæði í hagrænum og félagslegum innviðum. Sjóðurinn er ekki fullfjárfestur.
Sjóðurinn hefur t.d. fjárfest í Mílu, ásamt þremur íslenskum lífeyrissjóðum og frönskum innviðasjóði sem er stýrt af sjóðafyrirtækinu Ardian. Einnig hefur sjóðurinn fjárfest í hjúkrunarheimilum.
Summa hefur haldið utan um sérstakar fjárfestingar í gegnum sjálfstæð félög og stýrt þeim fyrir hönd fjárfesta. Meðal þeirra er fjárfesting lífeyrissjóða í kísilmálmverksmiðju PCC á Bakka við Húsavík í gegnum félagið Bakkastakk slhf. og í sólarkísiltækni í gegnum sjóðinn Sunnuvelli slhf.
Það sem þessi verkefni eiga sammerkt er að vera flókin og krefjast tæknilegrar þekkingar, þar sem sérstaða Summu á markaðnum nýtist.
